சமர்த்த ராமதாசர் (ஒரு அறிமுகப் பதிவு)

17ஆம் நூற்றாண்டில் அவதரித்து 73 ஆண்டுகள் வாழ்ந்து இராம நாம வைபவத்தைப் பாரத பூமியெங்கிலும் தழைத்தோங்கச் செய்த புண்ணிய சீலர் சமர்த்த ராமதாசர். 13ஆம் வயதில் கடும் தவத்தினால் ஆஞ்சநேயப் பிரபுவின் திவ்ய தரிசனம் கிடைக்கப் பெறுகின்றார். பின் அஞ்சனை மைந்தனின் பரிந்துரையால் நாசிக் நகரிலுள்ள பஞ்சவடியில் ஸ்ரீராமச்சந்திர மூர்த்தியின் அற்புத தரிசனமும், ஞான உபதேசமும் கிட்டுகின்றது. இதன் தொடர்ச்சியாய், நாசிக்கிலிருந்து சுமார் 6 கி.மீ தொலைவிலுள்ள 'தக்ளி' எனும் பகுதியில் தன்னை ஆட்கொண்ட அனுமனுக்கென்று ஆலயம் ஒன்றினைக் கட்டுவித்து மகிழ்கின்றார். பின்னர் இராம தூதனின் வழிகாட்டுதலின் பேரில், 12 வருட காலம் கடும் தவமிருந்து, மூன்றரை கோடி முறை ராம தாரக மந்திரத்தை ஜபித்து அதன் பலனாய்ச் சீதா; லக்ஷ்மண; பரத; சத்ருக்ன; அனுமன் சமேதராய் ஸ்ரீராமச்சந்திர மூர்த்தியைத் தரிசிக்கப் பெற்று மகிழ்கின்றார்.